Għar Dalam ta' Damian Bezzina

Għar Dalam

Għar Dalam huwa għar li fih insibu fdalijiet ta’ xi annimali. Dawn il-fdalijiet tal-annimali kienu xi darba jgħixu hawn Malta u huma estinti u m’għadekx issibhom.

Għar Dalam huwa post sabiħ u interessanti ħafna. Turisti jħobbu jżuru dawn it-tip ta’ postijiet interessanti. F’Għar Dalam insibu ħafna friefet il-lejl u fil-fatt hemm ħafna dlam li jfittxuh ħafna friefet il-lejl.

L-Għar ġie nvestigat fl-1885 imma ġie miftuħ fl-1933.Dan kien użat bħala ‘shelter’ fit-Tieni Gwerra Dinjija.Għar Dalam huwa maqsum f’sitt sezzjonijiet. Il-mużew għadu prestiġjuż ħafna u għandu wirja imprezzabli. Dan il-mużew irridu nieħdu ħsiebu għax fih l-istorja ta’ pajjiżna.

Jien naħseb hemm ħafna iktar storju x’niskopru f’dan il-post kulturali għax fih ħafna ġid u nistgħu nitgħallmu aktar fuqu.

Post għall-Mistrieħ ta' Matthew Conti

POST GĦALL- MISTRIEĦ

Ħafna drabi, meta jkolli ammont kbir ta’ xogħol, inkun irrid inżvoga. Kull darba li jien għandi bżonn niskappa l-ħajja u naħrab milll-problemi li jkolli, naqbad u nmur......

Jiena mmur nimxi ġol-kampaja. Immur mixja u indum siegħa, sagħtejn. Dak il-ħin inħossni liberu minn kollox minn kull ostaklu u kull problema. Il-kampanja hija mdawra b’affarijiet naturali bħar-riħ frisk li jaħbat ma’ wiċċi u minnu jien nixrob l-arja pura. (Dak il-ħin jiena ninsa il-gassijiet valenużi li jaħorġu mil-karozzi u mill-fabriki).  Minflok il-ħornijiet aggressivi tal-karozzi, nisma’ l-kant tal-għasafar mat-tħaxwix tas-siġar u tal-ħaxix aħdar u frisk. Imma l-iktar ħaġa li nieħu pjaċir nagħmel meta inkun ġol-kampanja hija li nħares lejn il-fjuri li juru l-kulur u (s-sbuħija) tan-natura Maltija. Alla ħalaq kreaturi bħall- bebbux, l-għasafar u l-gremxul li jħobbu jgħixu ġol-ħajt tas-sejjieħ u dawn ikomplu jżewqu n-natura ta’ madwarna. Meta ngħeja mill-mixja, naqbad u nintelaq fuq il-ħamrija sħuna u komda u norqod raqda.  

Imma xorta waħda noqgħod naħseb fuq it-tajjeb tal-ħajja tiegħi bħall-familja il tant tħobbni u sħabi li jirrispettawni. Jiena hawnhekk inħares lura fiż-żmien, meta kont iżgħar kemm kont aktar liberu mix- xogħol u kont niġri jew nilgħab xi logħoba ma’ sħabi. Jiena xi kultnat ngħid bejni u bejn ruħi biex xi darba nibni dar u ngħix hawnhekk ’il bogħod mill-ħajja sfrenata tal-ibliet. 

Imma meta l-ħin jiskadi kollox jerġa’ jiġi għal ma’ wiċċi, kull problema u t-toqol tal-ħajja ta’ kuljum jerġgħu jiġu ġo moħħi għax irrid nerġa’ immur id-dar u nkompli bir-rutina tas-soltu.     

Tama ta' Nicolai Debono

Filgħodu kmieni fil-bard ta’ Jannar  li-nefaħ wisq u baqa’ sejjer s’April, inkun sejjer l-iskola bil-vann. Kmieni, kollni ġenn, taħwid, storbju, inkwiet …u jkolli n-nervi wkoll.  Nervi, sabiex jasal dak il-mument li l-vann jasal quddiem dik l-għalqa, quddiem dik is-siġra, quddiem dak iz-zokk li hu xi ftit jew wisq imxengel lejn ix-xellug.  Li bil-mod kif waqa’ kixef sigriet ta’ tama. Li qalb il-bini u t-taħwid tal-bniedem hemm il-ħdura. 

Hemm għalqa ċkejkna, ferħana u kburija. Tifraħ u tinki lill-bini ta’ madwarha sempliċiment bil-preżenza tagħha. U jekk tbexxaq għajnejk u tħalli t-tfulija taħkmek xi ftit, tista’ tara’ lis-siġra tiżfen u tfaħħar lil- pjanti, lill-ħaxix, lill-ħitan li jgħassuha mill-modern, lill-kwiekeb u lil kull ħaġa li għad fadallha ruħ. U iktar ma’ naħseb fuqha iktar inkun irrid naqbeż minn fuq is-siġġu u noħroġ barra mill-vann u nintefa’ taħt is-siġra għal xi siegħa jew sagħtejn u naħseb...

U nraqqad il-ħin sakemm inkun ċert li l-problemi kollha ta’ ħajti jsibu serħan fuq kull waħda mill-petali tas-siġra u jibqghu siekta hemmek. U jħalluni fid-dell taħt is-siġra ngawdi il-paċi li tant qed tożż din is-siġra ċkejkna iżda tant b’saħħitha. Siġra mimlija ħsibijiet u dilemmi. Siġra, li taf kif tgħix u kif tgħajjex.

Il- Grawnd ta’ Luke Fenech

Il- Grawnd

Post interessanti fejn jien nħossni rilassat u ikkalmat hu meta nitla' l-grawnd. Il- grawnd tħoss ġo fik ċertu ħeġġa u sodisfazzjon biex inti, flimkien man-nies l-oħra tingħaqad f'għajta waħda biex tgħin lit- tim tiegħek joħroġ rebbieħ. 

Apparti l-post kif inhu, meta nara dak il-ħaxix aħdar imdawwar b'żewġ lasti, jagħtini rilassament u kuraġġ għat-tim tiegħi. Vera li ħafna nies isibu il-grawnd bħala x'imkien fejn inti toqgħod titgħajjar u toffendi lill-avversarji , iżda m'għandux ikun hekk . Il- grawnd huwa post fejn inti għandek tinkuraġġixxi lil sħabek u tiddeverti wkoll.

 Fil-grawnd qabel tibda l-logħba jkun hemm iktar kwiet u inqas eċitament. Dak il-ħin tkun tista' tisma' bil-kwiet kollu lill-għasafar ipespsu , is-siġar jiċċaqalqu bil-mod ma' dik iż-żiffa sajfija u jibdew ġejjin ħafna dilemmi . Nibda naħseb u niftakar dwar kemm-il persuna tat is-sehem tagħha biex il- futbol f' Malta jkun possibli bħal pajjiżi oħra. Meta nkun bilqiegħda , b'veduta eċċezzjonali, nibda naħseb kemm-il plejer skurja f' dik il- lasta, jew iċċelebra ma' sħabu għax rebaħ it-tazza finali. Iva, għalija semplici grawnd tal- futbol jagħtini sens ta' kalma u rilassament.                                                                                  

  Luke Fenech

Titanic ta' Aidan Mifsud

Reċensjoni ta’ film 

Titanic ħareġ fis-sena 1997 wara it-traċedja li kienet saret. Il-film Titanic idderiġih James Cameron. Fil-film Titanic naraw ħafna atturi fosthom Leonardo DiCaprio li kellu il-parti prinċipali ta’ Jack Dawson u Kate Winslet li kellha parti ta’ Rose DeWitt Bukater. 

Dawn iż-żewġ atturi fil-film ħadmu ħafna flimkien. Nistgħu naraw ukoll li Jack Dawson kien raġel fqir u Rose kienet sinjura u dawn kienu jinħabbu ħafna. Għalkemm Rose kienet għarusa dawn it-tnejn ma baqgħux iħossu l-imħabba lejn xulxin u meta ltaqat ma’ Jack, Rose ħadet grazzja miegħu.

 Il-ġeneru  ta’ dan il-film huwa romantiku u traġiku. Il-kostumi li naraw f’dan il-film huma rikki u fini għal dawk in-nies sinjuri u qodma għan-nies fqar. Il-mużika tvarja bejn mużika romantika u mużika tradizzjonali li kienu jdoqqu dak iż-żmien. Is-sett ta’dan il-film huwa fuq vapur lussuż li kien maqsum bejn il-fqar u s-sinjuri. Il-linji tal-atturi kienu tqal minħabba li għandek ħafna espressjonijiet u drama u xeni importanti u dettaljati ħafna.

Aidan Mifsud