It-Torri l-Aħmar ta' Matthew Farrugia

It-Torri l-Aħmar

                        Kien kmieni filgħodu, ġurnata fir-Rebbiegħa. Jien iddeċidejt li mmur mixja twila u għalhekk qbadt triqti għat-torri l-aħmar. Peress li kien għadu qed jisbaħ, il-ħamrija qalb il-ġebel tal-passaġġ kienet niedja u tleqq. Hekk kif kont tiela’ t-tela’ lmaħt il-bini majestuż tat-torri l-aħmar li jinsab ftit ’il bogħod mill-bajja pittoreska tal-Għadira.

                                    Hekk kif wasalt, waqaft u ammirajt il-kobor u l-ġmiel ta’ dan it-torri. L-aktar ħaġa li laqtitni f’dan il-bini kien il-kulur ħamrani tal-ġebel u t-taraġ twil u wieqaf ta’ quddiem l-entratura. Hekk kif bdejt tiela’ t-taraġ stajt nara tlett twieqi zgħar tal-ħadid fuq kull naħa tal-bieb. Ħarist ’il fuq u ġibidli l-attenzjoni kanun kbir li kien qed jixxabbat ’il barra. Hawn skantajt bil-preċiżjoni li biha kien mibni dan it-torri. Innotajt li l-ġebel kien imqiegħed waħda fuq l-oħra b’reqqa kbira u d-dehra tiegħu kienet qisha disinn tal-mosajk. Peress li kien magħluq, iddeċidejt inkompli bil-mixja tiegħi u rħejtilha lejn l-Għadira.

     Matthew Farrugia 8.1